<![CDATA[Jav's blog]]>

<![CDATA[Jav's blog]]> http://www.jav.hk/ PJBlog2 2012-01-28T14:06:22+08:00 <![CDATA[Zz's Growth Diary]]> Jav http://www.jav.hk/ snowbook@163.com 2012-01-28T14:06:22+08:00 2012-01-28T14:06:22+08:00

2011年11月04日　狗仔已经识自己去洗手间大小便
2011年11月05日　终于帮狗仔起咗个名叫：占占
2011年11月11日　占占开始长牙齿，钟意到处咬野
2011年11月15日　占占终于变成传说中，成长期嘅小恶魔啦
2011年11月16日　占占唔使一阵就学识咗听“坐低”啦
2011年11月20日　占占有少少感冒
2011年11月26日　呢几日占占好粘人，成日要人抱
2011年11月27日　第一次带占占出去散步，占占惊到行路都脚震
2011年11月29日　占占开始识将抛出去嘅嘢咬返来啦
2011年11月30日　第一次帮占占冲凉，吹干啲毛之后嘅占占成身香喷喷

2011年12月04日　第二次带占占出去散步，占占完全唔怕陌生啦，而且仲好生猛
2011年12月14日　原来占占系好钟意听音乐咖
2011年12月21日　最近占占好钟意企起块境前面照镜，仲有好钟意咬拖鞋

2012年01月03日　占占今日学识咗听“趴低”
2012年01月15日　占占今日学识咗分“左右手”
2012年01月28日　今日将占占接返来啦，冲咗个凉之后家下又香喷喷啦
2012年02月06日　今日买咗“自动喂食器”俾占占，以后中午就唔使挨饿啦

[ 文字及相片都在不定时更新中... ( 图片由下而上更新 ) ]

]]>

http://www.jav.hk/default.asp?id=259 <![CDATA[Snowbook 2012 Guangzhou]]> Jav http://www.jav.hk/ snowbook@163.com 2012-01-04T11:09:47+08:00 2012-01-04T11:09:47+08:00

今日中午我哋设计小组成员会起广州聚餐，但我啱上车就收到阿草嘅短信，话有事嚟唔到；
从2007毕业之后，我哋每次聚会都系唔齐人，或者就好似柳姐所讲——被诅咒；
虽然得我哋四个，又影唔到大合影，但都系好开心既，因为可以一齐食饭；
呢次聚会嘅时间好短好短，一共加埋先得嗰四个半钟；
我哋除咗倾下啲无厘头嘅嘢之外，其余基本都系倾《魔兽世界》呢个游戏；
估唔到原来我哋四个都系魔兽世界休闲玩家，期待有日我哋会一齐组队打副本；
最后我希望下次聚会可以齐人啦；新一年祝大家：身体健康，事业有成。

PS: 今日净系用手机影咗五张相，而阿勇就占咗三张，好明显佢系今日嘅主角。
PS: 通过本次聚会，我哋一至认为嘉辉与呢个时代已经严重脱节，建议佢得闲多啲出嚟请大家食饭，从而令自己得到Update。

]]>

http://www.jav.hk/default.asp?id=264 <![CDATA[None Topic]]> Jav http://www.jav.hk/ snowbook@163.com 2011-12-31T17:45:46+08:00 2011-12-31T17:45:46+08:00

http://www.jav.hk/default.asp?id=263 <![CDATA[卧底情人]]> Jav http://www.jav.hk/ snowbook@163.com 2011-12-26T12:54:36+08:00 2011-12-26T12:54:36+08:00

http://www.jav.hk/default.asp?id=262 <![CDATA[富哥结婚 ( & 搞搞佢·第四季 )]]> Jav http://www.jav.hk/ snowbook@163.com 2011-12-03T11:04:11+08:00 2011-12-03T11:04:11+08:00

起呢度我谨代表“搞搞佢”全体成员再次祝富哥新婚快乐，恭喜恭喜；
因为富哥，我哋眼界更广阔，因为富哥，我哋人生更精彩；爱生活，爱富哥；
当富哥起台上流出第一滴充满感激开心眼泪嘅时候，台下嘅我哋感慨万分。

呢次同时亦都系《搞搞佢·第四季》，为咗贯彻富哥精神；
饮完喜酒，道别富哥之后我哋就一齐去咗唱K、饮酒、倾心事……。

PS: 呢次净系用手机影咗几张相，所以相片有限(相片还在收集中...)。

相关日志：

http://www.jav.hk/default.asp?id=261 <![CDATA[拍拖那些事]]> Jav http://www.jav.hk/ snowbook@163.com 2011-11-16T14:31:39+08:00 2011-11-16T14:31:39+08:00

　　宿舍阿灿话，女人之所以会害怕失去,系因为已经得到幸福。我谂男人都一样，下个学期阿欣就要开始出去实习啦，每次谂到呢度，我个心都会好唔安乐。唔知系我对自己唔够自信，亦或系对佢唔够信心呢。2006年1月24日，学校开始放寒假啦。因为大家都要各自返屋企过年，所以我同阿欣约好要起广州留多两日再走。

　　送走晒宿舍啲同学之后，我就打电话俾阿欣，嗌佢过嚟我宿舍楼下。因为之前佢嗌过我教佢用PhotoShop处理啲相，所以一阵佢会上嚟我宿舍。打完电话之后，我用咗有生以嚟最快嘅速度将间宿舍打扫咗一轮，跟住就即刻落楼。

　　落到楼下原来阿欣已经企起度等我啦，今天虽然唔系话十分冻，不过都几冻咖，但我见佢仲系着住条短裙，女人果然系唔简单嘅生物。“喂，呢啲天气你仲着短裙，你唔冻咖。”　虽然咁着又靓又性感，我十分钟意，但系我更加唔想佢冷亲咖。

　　“唔会啦，你唔见我着住长筒袜咖，呢对丝袜好厚好暖咖。”　其实我好想即刻摸下，睇下系咪真系咁厚，不过人多忍住先，一阵上再为所欲为都唔迟，哈哈哈。
　　“好啦，上去啦。”　因为啱开始放假，个个起度搬嘢，所以唔使偷偷摸摸都可以带住阿欣上我宿舍。前面都有提过，我宿起8楼，行唔惯嘅话真系会索晒气咖。

　　入咗宿舍之后就关门关窗开灯。“啦！呢张床系我既，仲有呢张台系我嘅，你坐下啦，我斟杯水俾你。”
　　“嗯，好啊。”　阿欣坐低之后就环视咗一下四周。“男仔宿舍嚟计，你宿舍都算几整齐几干净喔。”
　　“呢层当然啦，哈哈。”　我心谂，如果你起15分钟之前上嚟，仲唔吓亲你。嗯，讲开又讲，我啲效率又真系几高咖。

　　我斟咗杯水之后就行返过嚟，见阿欣起度用紧我部电脑。放低杯水起佢前面之后，我就拉咗张凳坐起佢后面，双手揽住佢。“系度做咩啊？”
　　“睇紧你个Q啰，乜你个Q咁多女嘅？唔怪得平时同我倾计复我复得咁慢啦。”　阿欣讲完就将头拎咗过嚟，用啲好难形容嘅表情望住我。而我只好二话不说，送上我今日嘅初吻（PS：准确啲应该系湿吻。）。
　　“平时我复你复得慢系因为有时有嘢做，有时陪紧啲同学打机咋。”　事实上我真系冇讲大话咖，我见佢仲系嘟住嘴，即刻又锡多佢一啖。“真咖，绝对冇呃你。”
　　“嗯……信住先啦。”　讲完就迅速而又细细力咁咬咗我嘴唇一下。“揾日等我开过个新Q试下你先得。”
　　“系啦得啦。你又话要学P相，依家开始嘅啦。”
　　“好，放马过嚟啦！”
　　“咩放马过嚟啊，打交咩你以为。”
　　“我钟意啊。”

　　……

　　开打个PhotoShop之后，我就一边操作一边讲解，每次当我做完一个例子之后佢都要自己试做一下。就系咁，话咁快两个钟就过咗去啦。阿欣话怕一次过学太多消化唔嚟，于是就话下次再继续学过。

　　当我将个PhotoShop关左之后，阿欣就抢咗只鼠标。“得啦，你休息下啦，呢度冇你嘅事啦。”
　　“古灵精怪咁，想抄啲咩啊？”　我见佢系咁点开我啲文件夹，好似起度揾紧啲咩咁。
　　“帮你检查下部电脑，睇下健唔健康啫嘛，嘻嘻。”　见佢笑满淫淫咁我就估到佢想抄咩啦。
　　“我部电脑系全宿舍最健康嘅。”　呢个事实，起我哋宿舍，装得游戏最少系我部电脑，存得四仔最少应该都系我部电脑。
　　“系咩？你哋啲男仔唔系最钟意收收埋埋啲A片嘅咩？”
　　“哦，你讲四仔啊！早讲嘛。”　讲完我即刻抢返只鼠标，关晒所有文件夹，再用指针指住桌面一个叫“四仔”嘅文件夹快捷方式。“啦！我冇收收埋埋咖，一直放起桌面咖。仲有啊，我都唔睇嘅，系宿舍有条佬个硬盘装唔晒，我帮佢装住10G啫先。虽然……我对呢啲片好抗拒，睇多几眼都会觉得头晕，但系念在一场室友份上，我帮得咪帮下啰，唉……。”
　　“讲到自己好委屈咁，我先至唔信啊，你不知几开心啦。”　讲得大话多嘅人就系咁嘅啦，当你讲真话嗰阵竟然冇人信喔。
　　“系啦，开心死啦。”　睇下时间，原来6点几啦。“你系咪想睇呢，我陪你睇阵再落去食饭好无？”
　　“明明系你自己想睇又话陪我。”
　　“系啦，我想睇啦，咁你陪我睇阵啦。”　讲完跟住一只手揽住阿欣条腰，慢慢抚摸，另一只手揸住鼠标点开咗一部名叫《松岛枫-不伦美人若妻》嘅大片，关细音量，全屏之后就即刻缩返只手揽住佢。（PS：呢次系我第一次同女仔一齐睇四仔，但严格啲嚟讲其实应该系第二次，之于点解呢，我就懒得讲啦。）。

　　松岛枫——日本著名AV女演员，系我哋宿舍好多人心目中嘅女神，特别系富哥，当然我对佢同样有一份嘅热爱。从阿欣面上嘅从容淡定可以睇得出佢唔系第一次睇四仔，而我就更加唔使讲啦，但我就手舞足动，心急如焚。伴随着男女主角嘅调情及抚摸，我嘅注意力早就唔再起电脑屏幕上啦，而系全部投入起阿欣温柔嘅身体上。虽然依家系起学校宿舍，但下半身对我彻底嘅支配以及阿欣全神嘅配合，令我瞬间大胆起嚟，决定放肆一次（PS：其实每一个谷精上脑嘅男人，起呢一刻都系咁胆生毛嘅啦。）。面对住又丝袜又短裙嘅阿欣，我唔使学似四仔男主角咁遁序渐进，亦唔求赤裸相对，更加唔使高床软，而系但求顺手。

　　……

　　中间省略激情一千字，以供大家自由想像。

　　人生好多时候就好似坐过山车咁，有高亦有低。即使经过嘅系短暂激情，但我哋都会疲倦不堪。相拥而抱大约廿分钟之后，我哋就整理仪容，跟住锁门落楼行出学校食饭。虽然路程好短，但我就谂咗好多嘢。

　　食完饭之后我哋就顺便起学校出面游荡下，当系散步。大约10点钟，阿欣宿舍有人打电话嗌佢返上去食宵夜，今日佢有两个室友仲未走，应该系啱起出面行完街打包咗嘢返嚟食呱。于是我就送佢到宿舍楼下，望住佢行上楼之后我就返咗自己宿舍。

　　打开门我都未行入去就有一阵风吹埋嚟，好冻，开灯之后望住眼前寂静无人嘅宿舍，突然间觉得有啲凄凉。本嚟谂住关灯锁门过隔离宿舍坐下嘅啦，但唔知点解，呢一刻我突然又想感受下寂寞（PS：我个人就系咁嘅啦，有时候好神经质。）。于是我行入宿舍关好门之后就直接去按电脑嘅电源掣，系今晚我先至发觉，原来我部主机把CUP风扇系咁大声咖。

　　电脑开咗之后第一时间就紧系登录QQ啦，睇到有条离线留言，原来系阿欣两分钟前发过嚟咖，佢话佢依家去冲凉，叫我返到宿舍都快啲冲。本嚟我都冇谂住依家冲咖，但我竟然回复佢话：“知道啦，我依家去冲啦。”，跟住就真系傻间间去咗冲凉。

　　冲完凉吹干头发之后就斟咗杯热水坐返落电脑前，想睇下阿欣有冇复我留言，点知仲未有，但系就有一条添加好友嘅身份验证信息，写住：“校友！”。我点开对方资料睇下，除咗个网名系“百厌妹”之外就冇其它资料啦。如果系平时遇到呢种情况我都会直接点击拒绝，但呢次就冇，因为我留意到个QQ嘅等级只有1粒星，而且个号码成10位数，意思即系啱啱新开嘅啦，再谂下今日下午阿欣话要扮其他女嚟试我，所以我就接受咗，添加咗佢为好友。

　　通过咗验证之后对方即刻就Q我。“你好。”　原来佢系用紧手机上嘅。
　　“你好啊，我哋识唔识咖？”
　　“紧系识啦。”
　　“咁你叫乜名？”　虽然我知道佢唔会如实回答，但我都循例问下。
　　“唔话你知，等你心思思。”　妖，正粉肠。
　　“咁啊，咁唔倾啦，88……”　啱复完呢个百厌妹，跟住即刻又有人Q我啦，咦～呢次系阿欣啦，佢问我起度做紧咩。我心谂嗰头有个百厌妹加我，呢头你又Q我，仲问我做紧咩，而且一个用手机上一个用电脑上，哈哈，仲唔系同一个人！

　　所以我如实回答。“咪就系等紧你啰。系啦，啱有个唔知乜人加我Q啊，问佢系边个又唔讲，我咪唔理佢啰。”
　　“系咩？话唔定人哋系靓女呢。”　哗，讲到咁，仲唔系你咩。我本来想睇下百厌妹只Q仲有冇啲咩蛛丝马迹，点知佢已经落咗线，而我就更肯定佢就系阿欣啦。
　　“系喔，话唔定真系靓女喔。但冇用啦。”
　　“点解呢？”
　　“因为我已经有个咁靓嘅女朋友啰，我谂住爱佢一世咖，接受唔到第二个嘅啦。”　哈哈，真系肉麻。
　　“口花花，冇样真。”　其实我系讲真咖，至少呢一刻我绝对系讲真咖。
　　“系啦，你唔系话返宿舍食宵夜咩？咁快食完啦？”
　　“系食宵夜啊，仲未食呢，不过都准备食嘅啦，佢两个买咗好多嘢返嚟打边炉啊。”　打边炉当宵夜，咪仲夸张过我哋宿舍（PS：我哋宿舍顶多都系起饭堂食饭饮红酒，起大排档打边炉饮芝华士。）。
　　“咁你食多啲啦，你咁瘦。”
　　“我已经好肥嘅啦，再肥啲我谂你唔要我添啊。”
　　“傻啦你，点会唔要喔，几肥都要啦，嘻嘻。”
　　“啊……如果你系蜘蛛侠就好啦。”　咩啊，无啦啦关蜘蛛侠咩事啊。
　　“点解呢？”
　　“你系蜘蛛侠咪可以爬上嚟同我一齐食啰。”　哈哈哈，蜘蛛侠，着埋套夜行装爬上你宿舍同你哋坐埋一齐打边炉，真系谂下都觉得搞笑。
　　“如果我系蜘蛛侠你就费心啦。”　我都系乱咁噏下啫，点知……。
　　“啊！又系喔，你咁咸湿，你系蜘蛛侠肯定成日周围爬去及嘢啦。”　唉……，你话我应该赞你好呢亦或点呢。
　　“边个话咖，我啊，不知几正经。就算系咸湿都净系咸湿你一个啫，嘻嘻嘻。”　事实上我一次真系只会咸湿一个，我谂一般人都系，哈哈哈。
　　“咦……”
　　“好啦，你快啲去食嘢啦，记得咪同佢两个颠咁夜添喔，听日仲要出街咖。”
　　“知道，咁你饿唔饿咖？”
　　“唔饿啦。”　真系唔问唔觉饿，一问我就饿。
　　“咁好啦，你都要早啲瞓啊。”
　　“得啦，晚安！”
　　“晚安。”　我见阿欣个Q落咗线，于是我就起身周围抄下有冇嘢食，结果净系揾到包七前一丁麻油面同埋两条双汇火腿肠。啦啦啉洗只大碗碌咗个面，唉，谂下阿欣依家同啲室友一齐打紧边炉食紧啲好嘢，再望下自己面前碗面，上面仲要浮住两条死人火腿肠，两只字——凄凉。我边食边上网，时不时又同人倾下Q，都几闷，于是未到12点我就上咗床瞓觉啦。

　　今晚我好似明白咗啲嘢，原来每个人拥有嘅嘢都系定量咖，因为起你自以为得到更多嘅时候，其实起不知不觉间嘅同时你亦失去咗同样多嘅嘢。

　　……

　　接落嚟嘅两日，我同阿欣去咗好多地方，行咗好多路，虽然系好攰，但好开心。乜嘢系有情饮水饱，乜嘢系相爱恨晚……，都系你一一陪我体会咖。我唔知人系咪真系可以有来世，但如果有，我希望下一世都可以遇上你，爱上你。（PS：当你或者其他人见到我以后继续爱其他嘅时候，或者你哋都会觉得我好衰，讲得到做唔到。但谂深一层，其实咁样正系我最好嘅一面，因为无论咩情况，当我同一个人一齐，爱一个人嘅时候，我都会毫无保留咁去到尽，对佢做最感动嘅事，讲最美好嘅话，献最无微不至嘅关心……。如果此时此刻连同自己一齐既人都唔爱到尽或者唔谂得最长远，咁就更加冇资格爱其他人。）]]>

http://www.jav.hk/default.asp?id=260 <![CDATA[阿洋结婚 ( & 搞搞佢·第三季 )]]> Jav http://www.jav.hk/ snowbook@163.com 2011-11-05T17:15:40+08:00 2011-11-05T17:15:40+08:00

起呢度我再一次祝佢哋新婚快乐，恭喜恭喜；
饮喜酒就肯定开心啦，而且仲见到几个好耐无见嘅同学；
虽然咁多年无见，不过感觉都无乜变，又或者系大家同时在变。

因为呢次同时系《搞搞佢·第三季》，作为成员嘅我都提早一晚嚟到顺德；
同其他成员集合之后就一齐食饭，跟住唱K、饮酒、倾心事……。

PS: 经过第三季，我哋一至认为“霸气外露”呢四只字系为标哥而创。
PS: 因为手头上嘅相片有限，所以暂时放住咁多先。

相关日志：

《搞搞佢Ⅱ》

《搞搞佢》

《来顺德，乜都得》]]>

http://www.jav.hk/default.asp?id=258 <![CDATA[简单恋爱]]> Jav http://www.jav.hk/ snowbook@163.com 2011-09-09T16:37:38+08:00 2011-09-09T16:37:38+08:00

　　“知道啦，亲爱的。咁放学我再俾电话你啦。好挂住你！”　复咗短信之后我就起身啦。以前，一直都觉得类似“亲爱的”，呢类话我系唔会讲嘅，但点知我今日竟然主动讲咗。爱情，原来真系可以瞬间改变一个人，呢种改变或者会系一时，但又可能系一生。

　　虽然今朝早起身，但系我都冇去上课。如果你问点解，我可能会话：“冇feel呱。”。10点几起饭堂食完早餐之后，我就返咗宿舍啦。其实呢几日我系忙紧帮东莞某知名家具厂设计网站，所以唔得闲返学。可能今日心情好呱，唔使一个钟我已经将啲手尾搞掂晒啦。见时间尚早，而且又冇乜嘢做，于是听下歌，顺便睇下啲Flash嘅学习资料。其实我都几好学咖，只不过冇乜人知道啫。

　　睇睇下资料突然醒起，呢几日我都冇上过自己个BBS，唔知会唔会又有好多垃圾广告呢？（ PS：起2006年之前，好多加我QQ嘅网友基本上都系因为呢个BBS而揾到我咖。个BBS叫雪本子论坛，系我起04年高中毕业嗰个暑假建咖。雪本子论坛同互联网上好多BBS既命运相似，经历过低潮、掘起、繁华之后，最终都系因为管理不善而没落，跟住关闭。虽然呢个论坛存在嘅时间好短暂，但我都有幸认识到几位最忠实嘅Fans——吉他仔、大PP、肥妹、猪仔敏……。）其实欣师姐有时都会上嚟睇下贴咖，不过就真系好少啰。

　　我循例咁上去睇贴复贴，删下垃圾广告，跟住就关咗电脑。因为岩好11点放学啦，锁好宿舍门之后我就落咗楼，跟住打电话俾师姐，约佢起学校正门等。

　　每次都系我早到，所以企起度等嘅人又系我。

　　……

　　“喂！”　突然有人起后面掹住我两边膊头喂咗我一声，虽然系吓咗我一跳，但我开心啊，因为我知道系师姐。我捉住咗佢只手然后拎转身。“你做咩次次都咁吓我咖，冇啲新意。”　可能我系第一次拖佢手啦，所以佢表现得有少少怕羞，当然我都系，不过我系男人，所以唯有焗住上。

　　“我钟意啊。”　师姐讲完就将块面拎咗过另一边，然后拉住我行咗出大门。“咪企起度啦，去食饭啦。”
　　“系啦，你想食啲咩？”
　　“去李记啦，今日我想食粥啊。”　（ PS：李记系起总校附近嘅一间茶餐厅，平时我同宿舍啲人都好经常嚟呢度食饭咖。我哋都称呼呢度嘅老板女为“秋香姐”，曾经因为秋香姐，我连续起李记食咗一个月饭。哈哈，以前我就系一个咁样嘅人。）

　　坐低嗌咗嘢之后，我就笑住咁望住师姐。“喂，你今日做乜坐我对面啊？”
　　“系啊，唔俾啊！”　师姐好得戚笑咗下跟住又讲。“今日我想睇清楚啲你嘛。”
　　其实我明白你意思咖，但我就钟意玩。“吓？要睇清我？你识我咁耐乜仲未睇清咖？”　讲完之后，谂谂下跟住笑淫淫咁。“哦……我知啦，你系咪想睇下我嘅内在美呢，我入面又确实真系有两旧胸肌六旧腹肌嘅，哈哈，你坏啦你。”
　　“系咩？咁你仲唔快D除咗件衫俾我欣赏下。”
　　“乜你咁心急咖，咦～人哋都未有心理准备。”　我扮晒怕羞咖，一边眨眼一边细声讲。
　　“你想我食唔落饭嘅话就再继续扮啦。” 讲完跟住好细力咁踢咗我只脚一下，呢种感觉好熟悉。“你啊，成日无厘正经。”
　　“哈哈，我专登搞下气氛咋，费事你紧张怕羞嘛。”
　　“我做咩要紧张？做咩怕羞啊？”
　　“冇事冇事……。啲嘢嚟来啦，快啲食嘢先。”
　　“古古惑惑咁。”

　　因为今日冇乜胃口，所以我同师姐一样都嗌咗个牛肉粥。唔使15分钟我哋都食完啦，坐起度饮埋杯茶之后就埋单行咗出门口。

　　一行出门口师姐就问我。“你下昼有冇课啊？”
　　“日日都冇嘅啦，你又唔系唔知。”
　　“咁又系，你嚟学校都唔系读书嘅，晒钱。”　师姐讲得冇错，我嚟学校真系唔系读书咖，不过亦都唔系嚟晒钱咖。
　　“点啊？系咪想约我去拍拖呢？”　讲完跟住我就好迅速咁拖住佢只手，从面上嘅微笑睇得出佢愿意。
　　“唔系啊！”讲完停咗下，跟住又讲。“不过如果你约我嘅话呢，我就考滤下啦。”
　　我谂都唔谂就捉起佢另一只手，跟住又用啲自己觉得好诚恳嘅目光望住佢。“陪我出去行下啦。”
　　“嗯。”　佢净系嗯咗一声，点咗下头。我心谂：妖，咪一鬼样。啦～啲女就系咁嘅啦，特别多嘢搞咖。就系咁，我哋十指紧扣向住学校嘅相反方向行去。

　　“今日你想去边度行啊……女人？”　本嚟我想嗌师姐咖，但唔知点解会变咗嗌佢女人。
　　“吓？乜你咁嗌人咖？”
　　“咁我冇理由继续嗌你做师姐咖。”
　　“你以后就嗌返我阿欣啦，以前都叫你嗌我阿欣嘅啦，但你就系都要扮嫩，成日师姐师姐咁嗌。”　我一边行一边讲，而佢就一边捏我只手臂。
　　“系啦系啦，咁以后我就嗌你亲爱嘅欣欣啦，哈哈哈！”
　　“咦……咁肉麻咖，俾宿舍啲人听到实笑死啦。”
　　“怕咩喔。”　哈哈哈，其实我都系讲下啫，我先至唔会嗌啊。
　　“哦……。”　欣师姐哦咗一声之后就向我贴近咗，而我就松开紧扣嘅五指，搂住咗佢纤细嘅腰，呢个时候嘅欣师姐正正系辉哥平日口中嘅小鸟依人。我哋一边行一边倾，竟然唔经唔觉行咗出天河城。或者对于一对热恋中嘅情侣嚟讲，只要两人可以在一起，步行几公里真系唔算得上系咩啰。

　　嚟到天河城之后，我哋循例入去兜咗转，跟住就起仙踪林坐低饮嘢。

　　“喂！系啦，不如我哋去图书馆啦。”　欣师姐突然咁讲。
　　“好啊。”　记得起高中嗰阵，我同某人经常去图书馆拍拖咖，但估唔到几年后嘅今日，我依然系会去图书拍拖。
　　“咁快啲饮埋走啦。”
　　“使乜咁急喔，图书馆就系对面啫嘛。”　你话开房咁急就容易理解啫，去图书馆都咁急喔。不过我都啜一声，饮晒杯嘢，跟住就出天河城，过咗对面嘅购书中心（PS：即系新华书店。）。

　　人哋话，好人嘅回忆都系美好咖，果然冇错。即使图书馆系一个起过去多次令我受伤嘅地方，但当我再次谂起，记忆里面有嘅只系得开心和甜蜜。

　　“喂～啊！”　起我回过神来嘅时候，欣师姐已经嘟住嘴望住我啦。“你啊，做咩一入嚟就起度发抖咖。”
　　“哈哈，冇啦。” 讲完我顺手细细力捏咗佢块面一下。“你好得意啊，哈哈。”
　　“咩好得意啊？通常赞人哋得意嘅意思即系话人哋唔靓。”
　　“冇冇冇，完全冇呢个意思，你系又靓又索又得意。”
　　“算你啦，如果唔系今晚唔俾饭你食。”　听到佢讲呢句话之后，我成个人好Warm。系一种好难形容嘅感觉，好比如一个起感情路上力尽艰辛嘅人，突然间遇到咗一个真正爱锡自己嘅人。
　　“哈哈哈，好啊，以后我真系唔听话，咁你就唔俾饭我食啦。”　我边讲边笑，系因为开心而发至内心嘅笑。
　　“咁～紧系啦。”
　　“好啦，去睇书啦。”　讲完我就拖住佢上咗四楼。

　　每次去图书馆，如果目的唔系瞓觉或者及女嘅话，我都会好认真睇书咖。我睇嘅基本上都系科学方面嘅书，例如嗰啲乜乜未解之谜。一开始我仲谂住师姐系会睇啲娱乐杂志之类嘅，点知佢全程起度睇啲教人点化妆嘅书。

……

　　起我哋离开图书馆嘅时候，个天已经开始黑啦，原来睇书嘅时间都可以过得咁快。哈哈，不过我谂主要系因为欣师姐起我隔离啫。我哋搭车返咗学校之后，就行过学校后门食饭。食完饭之后又行返前门，入SEVEN-ELEVEN买刨冰饮。跟住又入返学校坐低倾闲计，直到9点几佢宿舍啲人打电话揾佢，我送佢到宿舍楼下之后就自己返咗上宿舍啦。

　　今日系2005年12月26日星期一，起呢一个好普通嘅日子，我同欣师姐拍咗一日好简单嘅拖，冇拥抱、冇Kiss，但就有手牵手，心连心。]]>

http://www.jav.hk/default.asp?id=257 <![CDATA[零五年圣诞节]]> Jav http://www.jav.hk/ snowbook@163.com 2011-09-01T17:04:17+08:00 2011-09-01T17:04:17+08:00

　　下午四点半左右，收晒啲活动经费之后，我哋就一齐出去，起学校附近间超市买嘢打边炉，当然最重要系买啤酒啦。买完返到宿舍就洗下啲嘢，整理下，跟住去隔离宿舍借只煲。搞掂晒啲嘢之后就各自上网、打机、或者做其它嘢。

　　到咗8点半左右就开场啦，Oh～Year year year，点解我会咁兴奋，因为我已经饿到就嚟晕啦。通常我哋会食一个钟左右，跟住就熄火，连网打机（PS：冇错，你哋又估啱咗啦，又系CS啊，哈哈哈。）。打个几两个钟机之后，之前食嘅嘢都消化得七七八八啦，所以又会停落嚟食嘢。按照平时嘅作息习惯，我哋都系颠到两三点先至瞓。啲煲啊、台啊、碗啊、地板啊……，就等到第二日起身之后再一齐清洁。
　　……

　　2005年12月25日，因为琴晚同佢哋颠到好夜，而且又饮咗酒，所以今日本嚟应该瞓到十一二点先起身咖，但我8点几就醒咗，跟住起埋身。虽然个头痛痛哋，而且仲好眼瞓，但冇办法啦，琴日有人约咗我今日出街。不过呢，其实我咁早起身仲有另一个原因咖，请大家继续往下睇啦，嘻嘻。

　　起身之后，我习惯先发下牛抖，大约10分钟之后，清醒啦，就开始刷牙洗面，跟住就着好衫裤鞋，然后再照下镜，整理下个发型，搞掂晒。接落嚟就系我今日要早起身嘅另一个原因啦，首先我一步一步咁行咗过辉哥床边，跟住摇佢几下，然后见佢有反应啦，我就即刻讲：“喂，一阵我要出街啊，快啲起身清洁啦。”。讲完跟住又摇下富哥、摇下焜哥……，重复上面嗰句话，而佢哋就会如我所料咁讲：“叼，咁早，你走先啦，唔使你清洁啦。”　哈哈，听到佢哋咁讲，我就可以放心闪人啦。

　　约我今日出街嘅人系我哋文学社一个男仔同一个女仔（PS：唔系欣师姐，本来我都想约佢咖，但佢话今日全宿舍集体出去Shopping，我唯有识趣啲啰。）。

　　我哋三个起学校门口等齐之后就搭公车过咗嚟上下九（PS：上下九路，系广州一条步行街。），因为今日系圣诞节，所以特别多人。起周围行咗一转之后，佢两个竟然话要去唱K。哗，我心谂，边有人朝头早10点几去唱K咖（PS：因为我每次出去唱K都主要系玩骰盅饮酒，好少唱歌咖。），不过都由佢哋啦，反正今日主角唔系我。

　　我哋起附近嘅唐会开咗间迷你房，虽然系迷你房，不过够晒我哋三个用啦。因为真系太早啦，我又真系唔习惯日光日白饮酒，所以冇嗌酒。我全程坐起度食水果，睇住佢哋两个唱K。突然间，我觉得自己系咪唔应该出现呢，点解我好似做咗人哋电灯胆咁嘅。

　　唱完K之后我哋就行咗出嚟食饭，食完饭之后又继续周围行。呢次系第一次两男一女行街，我好唔习惯，更加冇谂过要习惯。两男一女，总有一男会被冷落，唔系你就系我，咁就我啦。我越嚟越唔出声，而佢哋就越嚟越多嘢讲，睇到佢哋咁，其实我都开心咖（PS：佢哋两个系：李国球、张庭希，同我同届嘅文学社成员。）。

　　傍晚6点左右我哋三个就返到学校啦，本嚟佢两个嗌我一齐食晚饭。但之前行街嗰阵我收到宿舍啲人发嚟嘅短信，叫我今晚一齐食饭，我应承咗，所以唯有自己走先。返上宿舍先知道，原来剩返阿焜、阿灿、富哥三个起度，其他都返晒屋企。

　　“点啊？今晚有乜搞啊？”　一打开门就见到佢哋三个起度打机。
　　“圣诞节喔，紧系贺一贺佢啦。”
　　“意思即系你今晚又想醉啦。”
　　“今日出街沟唔沟到女啊？”
　　“挑！如果沟到女，佢今晚仲点会返嚟瞓。”　讲得又好似几有道理喔……哈哈，坏人。
　　“好嘢喔基佬，你又知道嘅？”
　　“唉，我太了解呢个坏人啦。”
　　“叼，行啦，食饭啦。”

　　锁好门之后，我哋就一齐行咗落楼。“喂，不如去迎春园食算啦（PS：其实系叫迎宾园，老师饭堂嚟咖，不过我哋宿舍啲人就系都要叫迎春园；咪就系因为钟意春春声啰。）。”
　　“好啊，又近又少人。”
　　“Ok啦！”

　　大家都冇意见，于是就行咗入去坐低，点咗几个餸，跟住就紧系嗌啤酒啦。其实一直以嚟我都系觉得啲酒好难饮，但起不知不觉间我竟然沾上咗。

　　每一次同宿舍啲人一齐饮酒我都好开心，今晚都唔例外。虽然唔齐人，但一样系咁尽兴。人哋话男人之间嘅友情系天底下最纯洁嘅友情，我相信咖，哈哈。

　　今晚我哋饮咗好多酒，埋单走嗰阵个个都行路忽下忽下，特别系靓焜，行行下坐咗落地下，我哋即刻扶咗佢身身，跟住就返宿舍。返到宿舍之后我上咗一阵网，跟住就冲凉，然后爬上床坐住。望咗一阵佢哋打机再望下只表，原来10点半咋，打个电话俾师姐先。为咗唔想俾佢哋几个骚扰，所以我行咗出阳台。天气一转凉，我哋宿舍个阳台就会好似热大雨林咁，挂满晒啲滴水嘅衣服。虽然系咁喔，但平时个个都好愿意企起度，俾啲水滴住嚟倾电话。

　　嘟……嘟……嘟，电话接通咗啦。“喂～”　无论咩时间，师姐把声都系咁好听。
　　“喂……，唔该……周小姐。”
　　“我系，你好叶生，请问有乜可以帮到你？”
　　“想你陪我倾计啰。”
　　“好啊，由依家开始，我会收取你每分钟一蚊嘅服务费。”
　　“哈哈，你几时变得咁风趣咖。”
　　“跟得你多嘛，嘻嘻。”
　　“咁咪好啰……，好事嚟咖。但系……。”　唉，一谂到佢再过多半年就毕业啦，我嘅心情就自然变得好郁闷。
　　“做咩啦？今晚系咪又饮洒嚟呢？”
　　“系啊，同宿舍啲人……。嗯，再过半年你就毕业啦，感觉以后好难再见到你啰。”
　　“咪傻啦，点会难喔……。今晚都唔似你嘅，讲埋啲咁嘅嘢。”　其实我想讲，我嘅本质就系咁感性啰。
　　“唔知呢，饮得酒多呱，由得我啦。”　每次饮多咗嗰阵我都好钟意讲：你由得我啦。
　　“傻间间咁。”
　　“你够系傻间间啰。”　讲完，点知无啦啦我加咗一句。“不过……，我真系好钟意。”　好多时候当你意识到自己讲错话嗰阵，或者你会第一时间谂住去解释，而我就唔会，因为我会努力将讲错嘅话变成对嘅话，更何况呢句一直以嚟都系真话。
　　“钟意咩啊？”　师姐真系识扮嘢。
　　“钟意你啊！”　好明显，事实又一次证明咗酒精嘅伟大。（PS：起生活中，其实真系有好多人系借醉表白，或者系扮醉表白咖。）
　　“哦。”　佢应咗一声之后跟住又讲。“你啊，肯定饮醉啦。”　对于我嚟讲，冇拒绝已经系成功咗一半啦。
　　“我紧系冇醉啦，唔信你问下我叫乜名？或者叫我数手指……，再唔系数脚指都得咖。”
　　“哈哈哈，好啦，我信你冇醉啦，好白痴啊你。”
　　“咁即系点啊，喂～假假哋都系一次情深嘅表白，回应下好喔。”
　　“哗！乜你依家讲嘢又咁正常嘅？啱先都唔知系咪起度扮醉，哼！”
　　“你啊，咪扯开话题添啦，我啱先都讲咗我冇醉啰。”
　　“嗯……，可唔可以俾啲时间我考滤下啊？”
　　“紧系可以啦，睇下先，啦～依家十一点，宿舍仲有半个钟就关门，我依家落去，起你宿舍楼下等你，如果你接受就落嚟啦。”　佢好似有嘢想讲，而我即刻又继续讲。“记得啦，系接受先至好落嚟啊。”　讲完，我就即刻cut线，关机。

　　人嘅一生充满咗决择，而每一个唔同嘅决择都会直接咁改变你以后人生嘅路。对于今晚嘅表白似乎系意料之外，但又属实系情理之中。行返入宿舍，着好衫裤之后就照下镜。可能系之前饮得太多酒啦，而且饮酒又可以壮胆，所以我一啲紧张感都冇。

　　“喂，咁夜仲去边啊？”
　　“肯定又系借醉行凶啦。”
　　“但佢都好似冇醉喔。”
　　“咁咪扮醉行凶啰，佢最叻嘅啦。”
　　“哈哈，冇错冇错，杰佬咁古惑。”
　　“即系今晚又唔使返啦。”
　　“收皮啦你哋，我依家去沟女，你哋帮我祈祷啦。”　其实我都唔知自己点解会咁讲，如果系平时我肯定会好低调咁话：唔系啊，我落去一转啫嘛。
　　“我哋不嬲都系咁支持你嘅啦，所以啱先咪叫你今晚唔好返，意思系预祝你开房成功嘛。”　我叼，真系唔够佢哋讲。
　　“系啦系啦，多谢支持，咁我去啦。”

　　讲完我就行咗落楼，点知仲有人起后面大嗌咗一声。“喂！记得带套啊！”　虽然我好想行返上去叼七佢哋，但我都系继续落楼，因为我其实都好多谢佢哋。呢啲就系男人之间嘅友情，粗鲁、坦白而长久嘅友情。

　　落咗嚟之后，我行咗过姐师宿舍楼下，望住只表，傻间间咁起度等，等，等，一等再等。起我越嚟越清醒嘅同时，我开始越嚟越觉得自己啱先太冲动啦。起11点20分，仲有10分钟宿舍就关门啦，而我仲未等到师姐。突然间，我有少少紧张、少少害怕，怕故事未开始就已经结束。

　　周围望咗下，越来越少人啦，又望下只表，原来仲有三分钟就十一点半啦。绝望感开始慢慢浸入我内心，如果幸运女神真系存在嘅话，请你帮下我啦，因为我真系真系好钟意师姐。起最后呢三分钟，我谂咗好多好多嘢，几乎将我同师姐嘅所有事重复咗一次。

　　11点29分12秒，我相信，接落嚟嘅呢一分钟一定会改变我嘅人生，所以我决定望住秒针，直到佢走完呢一分钟为止。55、56、57、58、59、60……，哈……唉，果然，呢个世界根本就唔会有幸运女神。

　　望住宿管阿姨将铁闸慢慢拉上，直到嘣一声完全合上，我个心好似刹那间被震裂一样。我咪埋眼，好深好深呼咁吸咗一下，跟住就行咗出学校，我想一个人静下。出咗学校大门之后，起冇意识底下我行咗入SEVEN-ELEVEN，虽然今晚都几冻下，但我仲系买咗一杯特大装嘅可乐味思乐冰。我揸住杯思乐冰，一边饮一边行返学校，起运动场旁边啲石凳度坐低，望下只表先知道原来12点啦，圣诞节终于过咗啦。平时如果心情唔好，我都会好想同宿舍啲人一齐饮酒吹水，但今晚我净系想继续饮埋手上杯思乐冰。

　　单纯嘅冰沙经过吸管嘅缠绵之后，被融化成甜甜嘅眼泪，慢慢流入我身体。

　　“唉，呢啲咁嘅天气揸住杯刨冰起度饮喔，仲要系一个人，俾人见到真系当我傻嘅都似。”　自言自语咗一下之后，突然醒起我部手机好似仲未开返机。跟住就即刻拎出嚟，开机，手机都仲未完全启动完，就已经听到好多短信声啦。进入桌面之后，点开睇下，原来全部系师姐发嚟咖。

　　11点02分：喂，你做咩关机啊？
　　11点05分：开返机就打返俾我啦。
　　11点15分：你真系落咗我宿舍楼下啊？
　　11点17分：我依家起阳台，我望到你啦，做咩仲唔开返机咖？
　　11点25分：宿舍就嚟关门啦，快啲上返去啦。
　　11点31分：啱望住你走咗，我个心好酸，返到宿舍记得打返电话俾我啊。
　　11点40分：你做咩仲唔开机，又唔上网，我好担心你。
　　11点55分：你唔复返我嘅话，我今晚会瞓唔着咖。讨厌讨厌讨厌啊。
　　12点08分：你系咪已经瞓咗啦，今晚先知，原来我系咁怕冇咗你咖。

　　睇完啲短信之后，我好感动，好想喊。起呢一刻，或者钟唔钟意已经重要，因为我知道你系咁关心我嘅就够晒啦。我本嚟想打电话过去，但又觉得我好难控制自己激动嘅情绪，所以用短信复佢。“师姐，好对唔住，要你担心我。但知道你咁关心我，我真系真系真系好开心，好开心，开心到想喊。”

　　短信发咗过去都唔够一分钟，电话就响啦，系师姐。

　　“喂……”
　　“哼，终于啥得开机啦！”　虽然佢好大声，不过我听得出佢唔系嬲我嘅。
　　“对唔住啊，咁我谂住失恋咪费事开机啰，静下嘛。咁失恋啲人都系咁嘅啦，你话唔系咩？”
　　“真系俾你激死。”　师姐讲完就停咗下，跟住又讲。“你失咩恋喔……，我又冇话唔钟意……哼！”
　　“吓？咁即系点啊？讲清楚啲好喔。”
　　“即系钟意啦，平时又唔见你咁蠢。”
　　“哗，好嘢啊！”　哇哈哈哈，实在太开心啦，开心到我唔知做咩好。
　　“使唔使咁兴奋啊。”
　　“咩唔使啊？我系见家下半夜咋，如果唔系我一定大声嗌出嚟，嗌到成间学校啲人都听到添啊。”
　　“系咩？但我依家想听喔，你嗌下啦。”
　　“咁你听住啦。”　讲完，深吸一口气，跟住大声嗌。“我～好～钟～意～你～啊！”　嗌完我先至发现，原来起对面有对情侣眼金金望住我。反正今晚咁开心，忽略当睇唔到算啦，哈哈。
　　“听到啦，嘻嘻。原来呢个世界仲有白痴咖，今晚我好开心啊。”　唔知师姐系赞紧我呢，亦或系润紧我，不过系咩都唔重要啦，哇哈哈。所以话呢，人生就系咁难预测嘅啦，起两分钟之前我仲系起度伤心欲绝紧，但依家嘅我就春风得意，如鱼得水。
　　“啱先啊，对面有对情侣望住我啊，实以为我系傻嘅啦。”
　　“吓？你依家唔系起宿舍咩？”
　　“唔系啊，我起学校篮球场呢边啊。”
　　“吓！你做咩咁夜仲起嗰度啊？”
　　“我坐起度饮思乐冰啰。”　讲完跟住啜咗两啖冰冻嘅冰沙。“之前谂住失恋咪想一个人静下啰，跟住就行咗出学校，点知无啦啦买杯思乐冰喔，仲要系特大装咖。”
　　“你啊，正一傻佬嚟咖，咁冻仲饮思乐冰。”　师姐大声咗两句之后跟住又细声讲。“咁你依家有冇好冻啊？快啲返宿舍啦。”
　　“咦……好似有人心疼我喔。”
　　“吓？边个啊？乜有咩？”
　　“唉……，算啦，既然冇就由得我冻到感冒啰，睇下到时有冇人照顾我。”
　　“好啦，有心疼你啦，快啲听话返上宿舍啦。”
　　“女人都系口硬心软嘅啦。”
　　“系咩？乜你好了解女人咩？哼！我系怕你病咗之后仲系冇人照顾你咋，哈哈哈。”
　　“我都知嘅啦，边会有人关心我咖，所以我都系啦啦啉返上宿舍算啦。”　
　　“冇良心……。好啦，等你返上宿舍再倾啦。”
　　“嗯，Bye bye。”
　　“Bye！”　手机Cut线之后，我就企起身，慢慢行返宿舍。行到楼下先知，原来今晚个宿管我唔识咖，结果要我解释咗一大轮之后先肯开门俾我上去，真系心都急埋啊，唔知师姐有冇担心我咖。

　　宿舍三条佬见我咁夜仲返嚟瞓，就以为我衰咗，哈哈哈，我都费事解释。由得佢哋润咗我一轮之后，我就爬咗上床，打电话。

　　“喂……，返到宿舍啦？”
　　“系啊，仲啱瞓咗落床添。”
　　“我都瞓起床度啦，有冇冷亲啊你？”
　　“点会咁易冷亲喔，系个肚有少少唔舒服啫，冇嘢嘅。”
　　“边个叫你咁冻仲饮思乐冰喔，下次唔好啦。系啦，有冇饮返杯暖水啊？”　有个咁关心我嘅女朋友，我真系幸福。
　　“有饮啦，放心啦。因为起思乐冰入面有你嘅味道啰。”　虽然咁讲有啲夸，不过我真系每次饮思乐冰嗰阵都会谂起佢咖。
　　“成日口花花，唔怪得连我都俾你氹埋啦。”
　　“口花花都系对住你咋，对其他女仔我好Cool咖。”
　　“系咩？以后要留意下先得。”
　　“我好想即刻可以见到你啊，好想可以揽下你。我啊，啱先已经捏咗自己几下啦，证明咗我真系唔系发紧梦，嘻嘻。”　
　　“哈哈，你真系好可爱啊。唔系发梦啦，系真咖，听日你就可以见到我啦。”
　　“系啦，我想问你呢……。嗯……你会唔会介意人哋话我同你系姐弟恋咖？”
　　“咩姐弟恋啊？你大过我咖，只不过系低我一届咋，仲起度扮嫩喔。”
　　“系啦系啦，讲下唔得咩。你今日同宿舍啲人出去行街攰唔攰啊，眼瞓未？”
　　“几攰咖，都有少少眼瞓啦，如果唔系你，我十一点就瞓咗啦。”
　　“嗯……，咁我哋依家一齐瞓啦。”
　　“好啊，听日见啦。”
　　“我今晚会梦见你咖。Bye bye。”
　　“你系先至好啊，梦见其他女人我唔理你咖。Bye bye。”

　　电话Cut线之后，由于我仲系处于极度兴奋状态，所以瞓唔着。本来谂住起身同佢哋几个打机咖，但又怕听日见师姐嗰阵个样太残，所以我都系继续瞓起床度，直到瞓着为止。

　　今晚我真系好开心，好开心，因为师姐终于做咗我女朋友啦。最后我想讲嘅系，幸运女神果然系存在咖，而且今晚仲眷顾咗我添，多谢晒你啊。

　　（PS：嗰晚我真梦见咗师姐，但系个梦好扑街，因为我梦到嘅竟然系师姐答应做我女朋友嘅呢件事系假嘅，吓到我咩甘。后嚟醒返先知道，原来系发梦，哈哈，好彩啫。真系大整估，对于我嚟讲，呢个绝对系恶梦啦。）]]>

http://www.jav.hk/default.asp?id=256 <![CDATA[约会周未(下)]]> Jav http://www.jav.hk/ snowbook@163.com 2011-08-30T15:26:08+08:00 2011-08-30T15:26:08+08:00

　　食完饭之后，虽然已经7点啦，但系我哋冇即刻走，而系坐起度倾下闲计。唔知点解，通常起呢种情况之下，我个电话都会响。冇错，真系又响啦，系敏姐打嚟咖。

　　“唔好意思，我听个电话先。”　师姐点咗下头，跟住我就接咗电话。“喂！”
　　“粉肠！我返到屋企啦，你做紧咩啊？”
　　“你做咩喘晒气咖，做咩嚟啊？”
　　“啱同我妈咪行完街，依家褪起沙发到，对脚好攰啊。”
　　“咁快啲冲个凉先啦，冲完就唔攰嘅啦。”
　　“唔要啊，唔要啊，你过嚟帮我按下啦。”
　　“下次先啦。”　如果唔系师姐隔离，我肯定会话：好啊，系咪全身按摩啊？跟住淫笑几声，哈哈哈。
　　“你起边啊？”
　　“出面啰。”
　　“又同啲女啊？”
　　“你估下。”
　　“睇死你都系嘅啦，好啦，我冲凉先啦，迟啲再倾。”　敏姐除咗了解我之外，仲好识趣添，嘻嘻嘻。
　　“嗯，咁好啦，bye bye...”
　　“Bye bye”

　　“有女仔揾你喔，做咩咁快倾完啊？”　哗，咁你都听到啊。
　　“东莞啲Friend嚟咖，问我起边度啫。”
　　“系咩？点解我听到佢嗌你帮佢按摩嘅，呵呵呵。”　使唔使笑到咁奸啊。
　　“哗，咁你都听到啊？不过真系朋友嚟咋，哈哈哈。”　讲完之后，我好似发觉自己讲多咗添。
　　“就算系女朋友都唔关我事咖。”　系就系唔关，不过我听到由佢把口讲出嚟，我始终都有啲心悒悒。
　　“系嘅系嘅。”　讲完我就企咗起身。“好啦，走啦。”
　　“系咪返去啦？”
　　“唔系，依家去睇电影啊，哈哈。”
　　“吓，真系咁例牌啊？”
　　“循例啫，循例啫。”
　　“好啊，睇《神话》啦。”　咩片嚟咖，未听过嘅。
　　“好啊。”　是但啦，反正我睇乜电影都会好容易瞓着嘅啦。
　　“嗯。咁行快啲啦，我哋赶7点半嗰场啦。”　师姐扯住我只衫袖越行越快。
　　“好啊。”　其实我好想同佢讲：师姐啊，其实你可以扯我只手咖，我唔介意咖。所以话呢，口不对心真系唔系女人嘅专利嚟咖。

　　因为就近，所以我哋直接行咗过对面嘅天河电影城。好彩啱好赶得彻买菲入场，啱揾到位坐低都唔够十分钟就关灯开场啦。

　　“啊～大窝，唔记得买零食添。”　入嚟坐低之后我硬系觉得少咗啲嘢，但又唔知系乜嘢，突然间醒起原来系未买零食。
　　“唔紧要啦，反正我哋啱食完饭。”　因为惊影响到其他人，所以师姐个嘴就起我耳边好细声咁讲。哗，真系好有feel，感觉我哋就好似情侣咁，系差未拖手仔咋。
　　“嗯，好啦。”　嘻嘻，唔知点解，我个心好似自己起到偷笑紧。
　　……

　　果然冇错，起电影睇到一半嘅时候我就瞓着咗。起我记忆里面，由我好细个，阿爸阿妈带我去睇大戏开始到依家，我未试过一次睇电影系唔会瞓着咖，所以呢次当然唔例外啦。因为太大声啦，所以将我吵醒咗。我醒咗之后第一眼睇到嘅人唔系欣师姐，而系成龙大哥，佢起戏入面同人打紧交，叼～原来就系呢条茂利吵醒我嘅。再清醒少少之后我先发现，原来我挨咗起师姐膊头度，好软好香啊。本来谂住挨多阵咖，但我又惊佢膊头会酸会攰，所以就坐返直啦。

　　“你瞓醒啦。”　师姐见我醒咗于是望住我。
　　“唔好意思啊，我瞓着咗。”
　　“唔紧要啦，出戏好好睇啊，你陪我睇埋佢啦。”
　　“好啊。”
　　……

　　最后我都好认真咁将出戏睇晒，睇完之后，师姐话：公主等咗蒙毅将军成千年，点知最后都系失望收场，好感慨（PS：女人睇亲爱情片都系咁嘅啦。）。而我可能系因为中场瞓着咗冇睇啦，所以我觉得系佢哋两个自己一开始唔珍惜啫。

　　“9点半啦，返去啦。”　着返灯，散场啦，我哋都行咗出嚟。
　　“好啊，你有冇肚饿啊师姐。”　一边讲，一边向住公车站行去。
　　“少少啦，不过唔系几想食嘢。”
　　“不如……我请你饮思乐冰啦。”　SEVEN-ELEVEN真系好似我宿舍阿灿哥所讲嘅咁，总有一间起你隔离。哈哈，啱好隔离真系有一间。
　　“好啊，乜你仲记得我钟意饮思乐冰咖。”
　　“紧系啦，嘻嘻。系啦，今日系24号，所以今次你应该唔会又饮到肚痛嘅啦。”
　　“吓？唔明喔？”　师姐仲起到谂紧。“哦，我记得啦，上次……，但点解话今日系24号，我就唔会饮到肚痛呢？”
　　“嗯……你估下，哈哈？”　我阴阴嘴咁笑咗下。
　　“咦～乜你咁咖，记埋人哋嗰啲嘢。”　师姐突然间面都红晒，呢次系我第一次睇到佢面红，真系得人钟意，哈哈。
　　“证明我体贴你嘛。”　哗，以前都唔觉得，依家我真系越来越发觉自己面皮厚啦，哈哈。
　　“咁我系咪应该多谢你呢。”
　　“咁又唔使，男人系应该体贴女人咖嘛。”
　　“哼！成日口花花。”
　　……

　　买完思乐冰之后，我哋饮住起度等公车。今晚都唔知咩日子，竟然部公车会咁少人喔。唔使十分钟，我哋就我返到学校啦。因为冇乜嘢做，所以我哋就起学校行咗一阵，跟住起图书馆附近啲石凳度坐低，继续饮埋未饮完嘅思乐冰。

　　“师姐啊，你系咪膊头酸啊？”　我见佢一只手揸住杯嘢饮，另一只手起到按自己膊头。
　　“系啊，少少啦，睇戏嗰阵俾你挨咗成半个钟喔。”　佢讲完之后，谂谂下又讲。“哼，都唔知你系咪专登嘅，边有人睇电影瞓得着咖。”
　　“哈哈，好难讲啊，有个又软熟又香喷喷嘅博头俾我挨住喔，瞓成世都制啦。”
　　“又口花花啦你。”　讲完跟住捏咗我一下（PS：我发觉同我玩得埋嘅女仔都好钟意捏我，以前我一直觉得系啲女仔嘅问题，但依家睇嚟可能系我问题喔。）。
　　“我帮你按下啦。”　其实我都系随便讲下咋。
　　“你识唔识咖？”　估唔到佢竟然咁问返我，冇办法啦，我唯有食住上。
　　“紧系识啦，以前我有时都帮我阿爸阿妈按咖。”　哈哈，我细个嗰阵真系时不时帮我阿爸阿妈按背咖，不过一般系起我冇钱用嘅时候啰。
　　“咁你帮我按下啦。”　
　　“好啊，咁你坐好啦。”　二话不说，应咗先。我放低咗杯嘢，迅速企咗过佢后面，起自己件衫度抹咗下两只手之后，跟住就紧张咁放起师姐两边膊头上，再跟住就系轻轻，慢慢咁按。呢一刻我嘅心情真系好难形容，更加好难相信自己对手竟然起到帮师姐按紧背。突然间，我好想问啲关于佢嘅事，但系谂谂下都系算啦。吴若权起自己嘅作品《爱过流星》里面讲过咁样一句话：你的过去我来不及参与，你的未来我要紧紧相依。起呢一刻之前，我仍然系一个好钟意追问人哋过去嘅人，但突然间，我竟然睇开咗。

　　“又真系几舒服喔，以后呢，如果我膊头攰就嗌你出嚟帮我按啦，哈哈哈。”　师姐突然将头拎咗过嚟，而我就冇停，继续起到按。
　　“好啊，如果你唔怕我搏你懵嘅话咪嗌我啰，我唔介意咖。”
　　“哼，我先至唔怕你啊。”　哗，我谂我呢次得米啦。
　　“咁就得啦。”
　　“喂，你睇，今晚个月亮好圆啊。”　又起度扯开话题啦。
　　“嗯，几啦。”　我都唔钟意睇月光，睇星星我就钟意。但系当月亮越光嘅时候，星星就会越暗。哈哈，好似谂到啲乜嘢咁。“系啦，你用咩香水咖，我好钟意呢只味。”　讲完跟住我就将个鼻就过佢条颈度再闻一下。
　　“秘密……”
　　……

　　最后，我哋坐到十点几，宿舍就嚟关门嗰阵先至走，当然同上次一样，我陪佢行到佢宿舍楼下再返自己宿舍啦。

　　睇过《家有喜事》嘅人应该记得，周星驰起出戏入面对张曼玉讲过：“无数荷里活电影伟大嘅爱情故事都系发生起同一轮明月底下……”。直觉话俾我知，我同你嘅故事都会起同一轮明月底下开始。

　　对于今晚月光下嘅你，我谂即使50年以后再次谂起，我仍会觉得吸引。]]>

http://www.jav.hk/default.asp?id=255